Sagardoa esaten baduk,

aipatzen duk kupela;

Ken dezagun txapela!

Kupela esaten baduk,

aipatzen duk taberna;

Bete dezagun barrena!

Taberna esaten baduk,

aipatzen duk bertsoa;

Ken diezaiogun gorrotoa!

Bertsoa esaten baduk,

aipatzen duk kitarra;

Edan dezagun zizarra!

Kitarra esaten baduk,

aipatzen duk kantoa;

Gorde dezagun malkoa!

Kantoa esaten baduk,

aipatzen duk bihotza;

Ken diezaiogun zipotza!

© Gabriel Korta