MUSEOAK

Hautsaren jauste iraunkorra

dantzut nik museotan,

neonezko argien izerdia sumatzen,

denboraren poderioz

ahulduz doazen koloreak

argitasunez blaitu nahiz.

Arratsalde bakanak ohi dira

kristaletan zehar,

errenka, eguzki izpi

miragarriren bat ekarrita

koadroa margotu

zeneko argiaren

islada mehe apurnoak

lipar minimo batez

ikustarazten dizkigutenak.

morezko behe gaina,

beidura erraldoiak,

brontzezko barandak,

kaobazko markoak,

ttukuntzen dihardute

egunero arteaz ezer

ez dakiten emakume

garbitzaileok.

© Omar Nabarro, Joseba A. Urizar