berenice

Dicebant mihi sodales si

sepulchrum amicae visitarem,

curas meas aliquantulum fore levatas.

              Itzalik ezagutu gabeko hortzak,

              hortz luzexkak maite nituen,

              basoetan, zeldako leihatila estuan,

              ene hatzartean zetazko hari mehez

              elkar katea nitzakeen hortz zurixkak.

              Hortzak maite nituen, hortzak,

              horregatik natza agian hemen,

              basamortu epel honen erdian,

              arratsero lurrera erortzen zaizkidan

              hortz labain hauei begira.

© Iñigo Aranbarri