«AMOUR EN LATIN FAIT AMORE»

Ongarri naiz egiatan

saientzat.

Maitemortuetan barrena,

bapateko bidaiaria naiz.

Eta, eikiaren ezpainetarat

igorriren naute

mokobaltzok.

Isladetan murgildurik

somatzen zaitut goizero.

Eta, amets hutsetan,

ezerezetan,

iluntzeko itzaletan

aztarren bila abiatu.

Goizero oroitzen zaitut,

eta bila nabilkizu.

Igurikaturen nauzula

errain didate.

Eta betiko txokoan egonen zarela.

Eta liliak usaintzen.

Eta ene zain egun osoz.

-Parre eginen didazula ere-.

Egiatan, maitemortuetan barrena

suntsituren naute

mokobaltzok.