MIAZLE EGARRITSUENARI

Ai! Iduzki neurea.

Erradazu.

Zeren arrantzatu ohi nauzun,

eta zeren hatzeman.

Zergaitik bilakatzen zaidan

epailerik trebeena

goiz bakarraren izpi soila.

Zeren abiatu

beharra daukadan

ontsa hiltzeko

bideotan.

Erradazu,

hildoratu eginen nauzun

ezinbestez

mingainen herrietarat;

Edo aukera ezaz

amesten dudan

eskupeko zabala

zuretzat.

Erradazu bederen

zurruztatzearen eskerraz;

eta «zeren»a emaiten dizudan ahala.

zeren, azkonak lagaz,

arerioen ostantzetan

gibeldu ohi zaren

gezurrezko ikara

bide duzularik.

Badirudi, iadanik

ez zaizula atsegin

loreak ximeldu

eta odeiak irentsi.

Badirudi,

lar artean jausi naizela

zai,

inpernura nazazun,

eta eri.