Kepa Fdz. de Larrinoa

Telebistako Keaton-en
aurrean idatzi nahiean

Telebistan zeukat

Keatonen filma:

«El maquinista de la General».

Ondoan botila,

haruntzago, baiari begira,

inoren jabe ez denaren makila.

Borrokan ari duk Keaton

destinoaren kontra,

ilusioen zai.

Hementxe,

ostera, nauzue egun

neu,

hitz-kate isilez

existentziaren hutsean,

zertzelada deseroso antzo,

paperaren zuritasunean zirikatu ala.

Burura datorkidan parajea

anitz eratan molda daiteke,

baina nola, ordea, pinta liteke,

lumak lerrotzen duen burutazioan, norberarengan datzan minberatasuna?