NOCTURNO-1

Gauaren maitasun oro

zure magalean babestu da

eta zuhurki eskaintzen didazu

nere ibiltariaren egarria jabaltzeko.

Bankeroen gaizpide

merkatarien haztura

ez duzu neurtzen, ez duzu pisatzen,

ez dituzu kalitateak ikertzen,

zure freskura osoaz

nere eskuei eskaintzen zatzaie

eta nik

nere gorputzaren trakeskeria neurrigabeaz

igurtzi, zauritu zaitzaket,

zure azala zarrastatu

zure edertasuna Iokaztu

dezaket.