ZATOZ

                                Nire gorrotoak ez du amaierarik ezagutzen

                                zure besoetan ez bada.

                                                                              Leonard Cohen

Honek beste hura esateko ere balio beharko luke,

garrantzibako gertaera magikoak

paperera bihurtzeko.

Honek sare bat izan beharko luke

transparentziak harrapatu ahal izateko.

Nik maite ditut hostoen nerbioak eta gauza errugabeenak

eta sukarraren dezimak.

Harearen azpian egon behar du hitzen batek

edo lanazko gitarraren batek

beldurrik ez diona sinpletasunari

beldurrik ez diona beso bat galtzeari,

irakiteari.

Zatoz nire odolean ipar-ekialderantz.

Paper zati batean kopiatuko zaitut

jantzi bi izango gara beti gazi.

© Igor Estankona