GUREA DA

Haurreko hitzen doinua

bilatzen dut mikatz,

bidertzeko arroila

karroinduen ohantzean,

abenduko izotzek

zuritu inguruetan barna

gau-pasaren ondotik

egunaren urratzeaz harriturik

ibiltzen naizenean,

haizearen

marruma hotza lagun.

soro zurbailetan

jostari doazen

beleen deiak

buruan oihartzun:

- herioa beti garaizegia...

urratsean alta

haserreaz, nahikeriaz, aihergoaz

husten ari den

urgulua

baino ez naiz,

hontzak eta kahakak

alanbreetan kulunkatzen

diren tenorean,

gau-pasaren ondotik

egunaren urratzeaz harriturik

ibiltzen naizenean:

- askatasun nerearen arduraren zati handia

zurea da eta vice-versa.

urruneko elurren ardura

gurea da.