Kantoi ilunetik garrasi urratuetan datoz

amodiozko nahigabe ijituak

gonbitoka irtendako bertsoekin.

Errondatik hamabost urtetan

negar hordiak dituzuen neskatxak,

harley batetik alkandoraren idunekoa oratu

eta aurpegia ukabilkadaka desitxuratzea

edo La Viejara bidean San Antongo zubitik jauzi egitea

Bilboko penak eta lindanea merkatarien hilobian,

filosofia urbanoak droga berrietan amildu dira.

Zipaio bat iraultza zerga kobratzen ari zaio Rosanari

Las Cortesko bere izkinan.