BIHUR ALBANEZA IRAGANA

Bihur albaneza iragana

astoluma zuriz beteko nuke etxea,

joan ez zekizun

begitarte zuriaren irria,

joan ez zekizun

min horren esker beroa.

Bihur albaneza iragana

ihintza ekarriko nuke etxera,

garbi zenezan

hainbeste minen odola,

garbi zenitzan

begi horien lanturuak.

Bihur albaneza iragana

zerua jarriko nuke gure etxatean,

abia ahal zintezen

kotoizko bidea bailitzan,

inoiz galdu senarraren

hartzara ikustera.

© Juan Ramon Madariaga