Zilegia dea amodioari oinarri sentimentalik

ez aurkitzea

non ez den herri zapalduen elkartasunean?

ilunaren bularrak ausikitzen ahal direa

iraultza etorriko

delako esperantzaz globoa zartarazi artean

amodioaren oinarriak aurkitzeko?

esklabotasunaren musuak sabel antzutuetako

arroiletan eztiak direla

nork sinets lezake

kateek mihiseak herdoiltzen dituztelarikan

minaren erresuman?

itsas gainetan lasterka ibil gaitezkea ere

hegoaren haizea

biloetan ahizpatasunaren mugetaraino

hats

hatsanturik

askatasunaren belak ortzaizean ez direnean

oraindik iragarriak?