Utziko ditugu bihotzetan preso diren haizeak

piztu dizkiguten suak eztitzen

utziko ditugu haizeak mugetaraino bidaiatzen

haurren eskuak tinkatzeko

laztanez kargaturik itzultzearren

utziko ditugu haizeak gero iparraldeko euriz

erditzen irria lora dedin

hatsaren ezpain ikaratietan

utziko dugu eguzkia gure larruak

erretzen hezurrak hauts arin bilaka

ditezen eta

utziko dugu amodioa bide bazterrean

bakardadearekin monologatzen.