SANTXO AZKARRA LO DAGO

Santxo azkarra etzana dago

ibañetako elizan

santxo laguna beti hitsago

elurtearen gerizan

santxo azkarra gure errege

zer huen bada ekarri

gudu latzetik kanpoko lege

zaukutelarik ezarri

santxo kuttuna gero berezi

gintuzten eta apaldu

arbol idorrak mendiak hezi

arranoak merke saldu

ubeltzen doaz minak oraino

nafarroako gainetan

zelai erreak errekak baino

dabiltzalarik zainetan

santxo laguna iratzar hadi

begiratzeko geroan

azkarragoak jein dituk adi

fusilak esku eroan

santxo azkena dator hegoan

artoak gorri direla

urarekilan hats balego han

gatzaren lore fidela

santxo azkarra eresien gau

hormatuaren luzean

hirekin doak aire ezti hau

mugetako kurutzean