Imagina ditzakeen sirenak karrasika euriaren

ateri bulta laburretan eta haserrez pintatu

hormak manifestaldien ondoko gau ilunean nahiz

imagina dezakeen horma berdinek gorderen

dituztela herdoilak irentsi lantegi abandonatu

zenbait

eskugabezia imaginatzen duna?

nolabait tabernako tepo keztatuan hedatzen dun

grisaren zorigaitza sirenak karrasika medikua

non dago imagina ditzakeen beldur barneratuak

gorrotoak zein latzak gureek irabazi dute egun

ere pentsa ezan

hasgabezia imaginatzen duna?

plaza arroseko jargi publikoetan plegaturik oh

daudenek kontatuko dinate nola erre zen Z.ren

fabrika urte asko duela

gerogabezia imaginatzen duna?

eta hor nagon euriaren ateri bulta laburretako

balizkako lehorretan grisaren usaina larrutik

ken desiraz

hitaz ametsetan

arrotzen ugarte uhargia haizelakoan.