Gauez amets eroz betetzen zaigu burua

tenore faltsuetan abiatzen diren tren

malgoekin eta ez ditugu segitzen ahal

kaiertzetan amiltzen gara halaber edo

etxerako bideak asmatzen dira euritan

oroitzeko astia badugu hor karrikaren

bestaldean telefono kabina urdin lauz

bat bazegoen deitzeko deitzeko zerura

eta txino taldeak gonbidatzen gaituen

bitartean lokatzezko txaboletan galdu

dugu arratseko ondar hatsezko urratsa