Gaueko bidaiariak arpegiak gorderik dabiltza

klandestinitatearen trenetan

euriak burdinbideak bustitzen dituen artean

ezezaguna itsuski zurrungan aritzen delarik

gaueko bidaiariek buruzokoan kokatzen

dituzte zorionari ebatsi oren gozoak

haize hegoak ainarak eta mendi urdinak

bizpahiru astez eztiaz asetzearren

gero bihotza oraindik gosez dagola ahanzteko

gaueko bidaiariak arpegiak gorderik dabiltza