Eta nehor ez daukazu

kaiertze populutsu honetan zain

asmatzen zenukeen

norbaiten irrian

berotuko zela zure ezpainen

hormaldi minberatsua

eta nehor ez daukazu

bidaia nekagarria agertu zaizula

aitortzeko

luzeak direla burdinbideak

baina eguzki gorria

Landesetako pinuen gainean

punpeka ikusi duzula

ortzaizean

aitortzeko

eta nehor ez daukazu

no woman no cry abestiaren

errepika entzun arazteko

tunelean pasatzean

negar zorian zaude

eta diozu

hori da preseski

eta nehor ez daukazun unean

hiru minuturen buruan

geltokiko buffetean zaude

bierra bat eskutan

alabaren argazkiaren parrean

handitu ditekeela oraino

pentsatzen

sha na na na na sha na na

xuxurlatzen

eta diozu

hori da preseski

bakardadea

eta nehor ez daukazun orduan

ez dakizu nork duen kantaren

amultsua

diskotan grabatu.