Eguzkiari begira pasatzen genituen orduak

goizak eta egunak azken deiaren

zain

iraun beharrak

haragi ubelduak higatzen zizkigun

bitartean

hiriko karrika hutsetan ginabiltzan

kezkati

bata bestearen ondotik

arbol biluziak

haritz hostodun itxuratuz

beldur ginen

beldur ginen

zelaiak gorri samurrez baketzen zituen

argi otoiztuaren beroak ez zigula

sekula larru errea eztituko

beldur ginen

hainbat beldur

geroaren hats epela ez zelako

gure bihotzetan kabituko

beldur ginen

hainbat gaizto

ikaran bizitzen denak

ez duelako iratzeetan etzateko

ausardiarik.