ingurua ikastera jarri nintzenean

ibaiak negua zekarren

barreiatu egin ziren zelaietan izarrak

kapelua erantzi gauak

kalean jendea algara batean zihoan lanera

euriak bustitzea ahantzi

nahi gabe zoriontsu ginen

ingurua idaztera jarri nintzenean

bekokian hodeiek jo ninduten

begiak ostu zizkidan lagun batek

eskuak moztu herriminez

ingurua bizitzera jarri nintzenean

oparo

erotu egin nintzen

© Jose Luis Otamendi