Deborak norbait hil du

lur honetako azken baratzan

hostoetan nabari daiteke,

tantak dituzte hegaletan

mihi leunak eta

maitasun hondoratuak

soma dakizkioke begien baretasunean

bideak

hautsez, haize zaurituz harrotuak

kafe zaharrak, paraje ezezagunak

begi argiak bait ditu Deborak

- Deborak esan dut? barka,

Denborak, Denborak esan nahi dut-

urriko itsasoak bezalako begiak

hotz aiztoratua laztantzen