Gaua zulatzen duten ahausietan

Igortzen dizut gaurkoan gutuna

Agian eri helduko zaizuna

Hitzok ere gorri blai odoletan

Laberintoa bait dago izarretan

Hormak labainez josiak astuna

Eta ilargiak berak ene kuttuna

Fusil luzeak ditu adarretan

Eta itsasganan piztean suteak

Goiza urratuta oilariteak

Sumendi isuria baino beroago

Heltzen bazaizu jakin dezazula

Zaurietan sutzarra daridala

Gaur naizela inoiz baino bakarrago.