Ejerzito gorra ikusten dut zuen begi durdituetan

Bakardade-mendi bat ikusten dut

Lelokeria-itsaso bat ikusten dut

Goian zein behean... bost axola!

Eskuina burgesa eta erreakzionarioa da

Erdia aspergarria eta mizkina da

Ezkerra totalitarioa da

eta pertsonaltasunaren kultura bultzatzen du

ultrakeriak gogortzaleak

eta interes zikinen tresna dira

Zer gelditzen da?

       Goian zein behean

              Aienatzea ala denetaz paso egitea?

                     Zer gelditzen da kaka azpian?

                            Horixe: kaka hutsa...

Nabaritasuna gorputza da

Suizidioa arma desestabilizadorea

Irakurketa iraganezinezkoen interpretazio gorrak

Zentzugabeko hitzak

Arma da borroka

Xantaiariak bere lana bukatu du

kale zikin batean.

Polizia erosia

bere etxean afaltzen ari da, pozik

Umeek korrika egiten dute, hiltzen dira

Arloteak, bere ardo garrazka botilarekin

hauteskunde karteletan txu egiten du.

Zaborrak eztanda egiten du, kiratsa hedatzen du

Arratoiak                                 Soinu gorgarria

Atsoa jipoitua, bortxatua, umilarazia, zatikatua izan da

Bere begiak, lurreko zikinkeriatan bueltaka

Arratoiek haren erraiak irentsi dituzte

Hiltzaileek, barrezka, oihuka,

beren eskuetako odola miazkatzen dute;

buruz, hormak jotzen dituzte,

txu egiten dute eta haragigabeko gorputzetan oka egiten dute.

Buru-orekaren edifizioa jausi egin da

Ahoa espazio hutsean ageri da. Mihiak espazioak zeharkatzen ditu

Ez da egia egunsentiak beste bizitza bat eskaintzen duenik

Argia itsugarria eta gezurtia da

Gezur egin. Gezur egin eta hil, beti

Heriotza hildakoek beraiek asmatutako gezurra da

Zaldia erorarazi dute

Zaldizkoa animaliaren azpian hil egin da

Medioa erabiltzailearen hiltzailea da

Medioa bukaera da

Bukaera, ezereza