Arratsaldeko zortzietan

Sarajevoko minak altxarazten zaitu eta liburu beltz baten

erraietatik irtendako oihua zure burmuinean sartuko da, baina, agian,

James Douglas Morrison-ek ez zukeen Afrikatiko amorrua apurtuko,

zeren altzairuzko munstroek jandako argia goibela da,

arratsaldeko zortzietan.

Ostegun goizean

biolin hordituak Indian gosez hildako umeen bizitza miserablea (eta gordina)

kontatzen dizu emakume presoak, arratoi baten bihotz ustela miazkatzen

duen bitartean; dena den, emagalduak bere bezeroaren zakilmokoa

hortzez erauzi egiten duenean inork ez DIO JAINKOAri

Azken Epaiketa eskatuko,

ez baitu lanik egiten

ostegun goizean.

Datorren urtean,

neska punki lerdenen lerdea garagardoarekin

nahastuko dugu eta irratian auto baten garrasiak

zure betazalak kixkaliko dizkizu, baina, nire ondoan dagoen

poliziaren KOLPE basati eta ankerrari esker orrialde honetako 55. hitza

eskaini AHAL izango dizut, betiko, gure anai-arrebak hiltzen diren bitartean,

datorren urtean.