Traidoreen burezurretik edango dugu
eta bere hortzekin lepokoak egingo.
Bere hezurrekin xirulak egingo ditugu,
bere azalarekin danborrak.
Eta, gero, dantzatu egingo gara.
eduardo galeanori jasoa

Hil nazazue, ehotu nire hezurrak

jan nire haragia

akaba nazazue, traidore bat naiz;

borroka ahaztu nuen poemak idaztearren

bekatu egin nuen ez daukat barkamenik

nahiz eta oraindik ez dakizuen,

zuek euskaldunen artean euskaldunenak,

poemen lubakia, une batzuetan,

bederatzi milimetrotakoa izan daitekeela

bestela hor dauzkazue

roque, sarrionandia, bretxt,

aresti, martí, che..

...historiak absolbatuko nau

baina zuek erre nazazue

zuen inkisizio partikularraren garretan,

traidore bat naiz, akaba nazazue behingoz.