hasta los tres camiones de la Coca Cola en las que
en lugar de botellas viajaban las prostitutas
organizadas, con sus banderas rojas
Paco Ignacio Taibo II

Korbata, bibote eta maletinekin soinean

cohibak erretzen an ziren krokodiloak

merkatuaren askatasunaren aldeko panfletua prestatzen

itxaropenaren urkamendiko hilerri dotorean

daukaten mahai luzearen inguruan eserita

buztanak non sartu ez zekitela

mApatxe mozorrotuek kongresua inbaditu zutenean

betaurreko txit horteretatik zehar tximistak jaurtiz

eta bibliotekari alargunen laguntza jaso zuten

liburuak haizera zabaldu zituztenean

aska itzazu liburuak eta ikusiko duzu

esaten ausartu zen agure gizarajoa

itsasoko uraren bainerak ito zuen

zenbait gauza esatea gehiegi ere badelako

trigre tistre batrek esan zuen bezala

txapelarekin burua estaltzeaz batera

esan zuenaz lotsaturik bat-batean

eta bere begiak estali beharrean egongo bailitzan

beste animalia guziek ere ez dutela deus ikusten

baina bere teoria guziak alboratu genituen

lau begidun umea korrika etorri zenean gugana

egunkari saltzaile prostituitu bat bezala

eta andi warjol eta merilin monrou elkar mozkortzen

ikusi zituela esan zuenean eta hartu genituen argazki kamerak

eta tabernara joan ginen korrika baina itsu bat soilik

kausitu genuen akordeoia edo pianoa kolpatzen

eta poliClAkoek ordenua jarri zuten tabernaren kanpoko aldean

pilatzen zen jendetza sakabanatuz baina halere

subway azpiko haitzuloetan berbildu ginen

kontraeraso plana prestatzeko eta gutako norbaitek oihukatu zuen

mApatxeen altxamendua kontrolatua zegoela

esan berri zutela irratian eta irratia mediorik sinesgarriena denez

geure haitzkorak eta txikleak eta tabakoa jaso

eta etxera itzuli ginen norbera berera

nahiz eta txantxangurru batek kobardeak! deitu gintuen

berak bilatu zuenez bertan ostiatu genuen

sekreta bat zelako edo auskalo zergatik

eta gero esan bezala etxera itzuli ginen

norbera berera farolen argipean bakarrik

jada gaua erdu zelako berriro eta toke de keda

zegoenez ba hori etxera joan eta

telebistako albiste sinesgaitzak

ikustea besterik ez zitzaigulako gelditzen jada.