HARRIA, PAPERA ETA ARTAZIAK
clorato de potasio, ácido sulfúrico y gasolina:
lleno eres de gracia en tu frágil botella
roque dalton
Hormaren kontra harriak bakarrik balio du
baina paperak harriari irabazten dio
horretarako daude agintearen artaziak
papera mozteko, duela gutxi bezala,
eta horregatik daude harriak
igitariak sardeak hiruhortzekoak labanak
segak lantzak pistolak mazak
pontxoak ezpatak metralletak itxaferuak
granadak ganibetak tenedoreak artaziak
kainoiak AK47ak bihortzekoak kokoak
bonbak fletxak guraizeak pilumak pioletak
aizkorak
lanzagranadak matxeteak bisturiak arpoiak
aitzurrak aiztoak eskopetak metxeroak
makilak zerrak botilak mailuak azkonak
sugeak eta boligrafoak
kutxillak kranpoiak fusilak laiak
hormaren kontra harriak bakarrik balio duelako
baina paperak harriari irabazten dio
horretarako daude agintearen artaziak
papera mozteko, duela gutxi bezala,
eta horregatik daude harriak
hormaren kontra harriak bakarrik balio duelako
etc., etc.,
© Mikel Peruarena