EUSKAL HERRI BERRIA EGITEKO TRESNERIA
36ko fusil herdoildua
galtzetan gordetzeko koplak
estrata luze eta ilunetarako oinetako sendoak,
are urrats sendoagoak emateko eta kriseilua
poxpoiluak (eta txiskeroak ere bai bazpare)
liburutegi debekatua
kitarra bat eta sei abesti klandestino
eta akorde pare bat
eguzki berri bat eta izar berriak eta il-
argitasuna eta euri berria, lur idorra hezetzeko,
eta hodei berriak ortze-
muga berrian jartzeko
sei mailu eta maza bat
hamaika iltze, hamaika arrazoi
egunkari debekatua goizero besapean
kontrabandoko tabakoa gaueko bileretan
hitz magiazko pare bat
eta hitz magiazko gehiago begietako bendak
eta belarrietako aurikularrak
eta ezpainetako esparadrapoak oro
desagertarazteko
eta elkartasunezko eta maitasunezko
burdinezko aldamioa,