«Bake zibila eta beste zazpi gerra ipuin» liburu honetan hiru kontinente: Asia, Afrika eta Amerikako zortzi ipuin bildu ditugu. Lehenbizikotik ipuin bi, eta biak Vietnamekoak. Azkenekotik hiru, eta hirurak ertamerikarrak, Panama, Nikaragua eta El Salvadorrekoak. Afrikakoak berriz, Hegoafrika, Kenia eta Nigeriako dira.

        Zerk batzen ditu ipuinok hemen? Ezezagun ohi zaizkigun errealitate batzuen ingurukoak izateak. Kolonialismoaren ondorioak bereziki nozitutako, erasoa eta borroka jasandako herrialdetakoak. «Gerra ipuin» dira: zapalkuntza eta errebeliozkoak.

        Bui Hien eta Nguyen Sang-enak ez gainerakoak jatorrizko bertsioetatik itzuli ditugu; barka bada, bi huts horiengatik. Esan beharra dago, bestalde, liburuaren kaleratzea dexente atzeratu dela, Imanol Haranburu itzultzaileari, preso egon eta, bere lanak burutu orduko errekisatu eta «desagertarazi» zizkiotelako.

        Gainerantzean, on egin.