(Guido Crepax-en) VALENTINA

Benetakoa ez zarela
denek esaten didate
baina nik ongi dakit
bazarena
ez naute engainatuko
zer dakite zutaz horiek
horien zorakeriak
bost axola

Zu Valentina gozoa
zu bihotzeko kutuna

Zu ezagutu aurretik
amodioaren gozoa
zein eztia izan leiken
ez nekien
paperezkoa izanda ere
zure gorputz bikain hori
horixe desio dut
nik bakarrik

Urteak pasatu arren
zu ez zara aldatzen
beti bezain polit zaude
beti bezain eder.

© Xabier Montoia