LURPEKOEN KANTA

Zetaren laztana ahaztu dezagun. Urrearen distira alferrik egun. Gure jantzirik dotoreenak, apaingarririk preziatuenak ezer gutxi dira inguru honetan. Arropa guztiek daude soberan, ez hotz eta ez bero ilunpe honetan. Zafiro, diamante, harri bitxiak, piztien larrurik garestienek traba besterik ez digute hemen egingo honez gero. Oro zaigu pisu eta astun orain. Beti oporretan.

© Xabier Montoia