ATZERA ETXERA

Argitu bezain laster
bidean jarri zara
ekipaia urria
ia esku-hutsik.
Etxe handi-zuria
zure atzean lagata
goiz-lainoan barrena
aurrera begira.

Non zaude?
Galdetzen dizute.
Non zaude?
Beldur, jakinminez.
Non zaude?
Ez duzu ulertzen.
Non zaude?

Soroak bi aldeetan
oraindik daude lotan
errepide honetatik
ez da inor pasatzen.
Bele baten karranka
entzun da bapatean
bidai honetarako
laguntza bikaina.

Non zaude?...

Psikoanalistarenean etzanda
ametsak kontatzen dizkiozu.
Erotua omen zaude!

Zerua eta lurra
biltzen diren unean
zerbalt antzematen da:
Gasolindegia.
Zure esku urdurtek
zenbakia osatu dute
laster oso entzungo da
ahots ezaguna.

Non zaude?...

© Xabier Montoia