NEGOZIAKETAREN BEHARRA

Negoziaketaren beharra
aipatzen duk maiz-sarritan,
baina gure artean, laztana,
ez diagu hori behar.
Hik eskeintzen duana, zer axola!
edo nik eman dezakedana,
gure artean, berriro zioat,
ez diagu hori behar.

Hire magale goxoan
xamur, xamur.
Hire magale goxoan...

Laga ditzagun hitzak orain,
ez duk hain zaila ulertzeko,
ikutu ene eskua soilik,
berak oro esango dik eta.

LELOA

Hire ezpain hori horiek
eneak zoratzen dizkitek,
behatz bakar batez laztandu
hik nahi dukena egingo diat.

LELOA

Hire jopua hire morroia
izango nauk, agin nazak,
ene buruak hire altzoan
har dezala atsedena.

LELOA

© Xabier Montoia