ROSALIA CASTRO HILARENTZAT SEHASCA-CANTA

Jaiqui hadi, adisquidea,

egunaren oilarrac ençuten baitira!

Jaiqui hadi, maitea,

behi batec beçala marruma eguiten baitu haiceac!

Goldeac badoaz eta badatoz

Jaundone Jacuetic Bethleema.

Jaundone Jacuetic Bethleema

aingueru bat doa onci batetan.

Cilhar finezco onci bat,

Galiciaren mina cecarrena.

Galicia etzan eta gueldia,

belar tristeez muthatua.

Hire ohea eta hire biloen ithurri belça

estaltzen duten belarrac.

ltsasora doacen biloac,

bertan baitute hodeiec bere uso-habia.

Jaiqui hadi, adisquidea,

egunaren oilarrac ençuten baitira!

Jaiqui hadi, maitea,

behi batec beçala marruma eguiten baitu haiceac!