BEIRA FINA

Nire herriaren gaineko azala,

harria estalcen duan

kolore askotako

kristala,

orain argi eta garbi

deseginen haut,

kolore askotako

kristal

enganagarria,

hire gainean argia badator...

ostrailikiaren anzean...

hire gainean...

argia badator...

ez zekiat

nolakoa den

harria,

urdin,

ori,

gorri,

ez diat herria bere egiazko neurrian

harcen...

Kristal fina,

beira preziatua,

airearen kontrako ikurrin

edo

harmarri

harroa,

arbolatik zinzilika hagoen

katea,

deseginen haut...

(Mailu batekin

ala

biola batekin?)