(Donostia, 1938) filosofia, teologia eta ekonomia ikasketak egina da, eta informatika alorrean dihardu. Hainbat poetaren lanak itzuli ditu, Rimbaud-en Denboraldi bat infernuan, besteak beste. Saiakera bat dauka argitaratua, Novela berria Hego-Amerikan.

Obra poetikoa
TAMARIZA TA PIKONDOA. Papeles de Son Armadans, nº CXXXIII. Abril de 1967. Lau poema euskaraz eta gaztelaniaz, 1etik 50era zenbakituriko separatan.
MIKEL LASA ETA AMAIA LASAREN POEMA BILDUMA. Herri Gogoa, 1971
POEMA BILDUMA. Erein, 1984
MEMORY DUMP (1960-1990). Euskal Herriko Unibertsitatea, 1993
«Liburuan bildu baino lehen hartu zuten idazleen eta irakurle atzarrienen aho bateko laudorioa Mikel Lasaren poemek. Baina maiz aipatuagatik eliteko poeta izan dugu urteetan, batetik Arestik berak bideratutako poesia sozialaren arrakastak baztertu egin zituelako gainerako joera guztiak, eta bestetik Lasaren poesiaren ildoa ez delako samurra jarraitzen. Ez du estilo nabarmengarri bat proposatzen, sentsibilitate mailako berritasuna baizik: gauzak adierazteko espiritu malenkoniatsu bat, uste izan dena baino sozialagoa den asperdura existentzialean».

(Koldo Izagirreren sarreratik)