1

Agur, Jesus, Maria, Jose,

Joakin eta Ana;

badakigu Jesus maitia

jaio zan gaua dana.

            2

Erriko zenbait galai gazte

kantuz gera atera,

atsegiñezko poz andi bat

zuei gaur ematera.

            3

Egiazko berria da ta

bear degu sinitsi,

Jaungoikoaren Semea gaur

zerutik zaiku jetxi.

            4

Iñork ezin berri bat eman

au dan baño obea;

Belenen jaio omen zaiku

gure Salbadorea.

            5

Urte askoan egon gera

egun onen begira,

Adanen bekatu guziak

sezulako ill dira.

            6

Atsegingarrizko berri au

munduak dezan jakin,

adierazo du zeruak

izar eder batekin.

            7

Izar oni nora dijoan

jarraitu bear zaio,

ekusi nai duenak aur au

non ta nola dan jaio.

            8

Goazen bertatik Belena

aur eder onen billa,

sendatu digunean pozez

bekatuaren miña.

            9

Belengo estalpean dago

Jesus larru gorrian,

ollarrarekin astoa ta

idiaren erdian.

            10

Salbadore batentzat da au

humildade aundia;

asnasarekin berotutzen

ari zaio idia.

            11

Aur eder au bera dalarik

zeru ta lurren jabe,

jaio nai izan du mundura

ondasunikan gabe.

            12

Zerutikan jatxirik digu

aur onek erakutsi,

nola bear degun guziok

mundu onetan bizi.

            13

Egiten baldin baditugu

onen esanak ongi,

berarekin egongo gera

zeruan beti beti.

            14

Onelako berri ederra

degunean ekarri,

limosna on bat uste degu

gaur etxe onetati.

            15

Jakiñean etorri gera

gazteria guzia,

limosnagillea dala txit

emengo nagusia.

            16

Urrea biralduko digu,

zerren daukan gordea;

nagusia bezin prestua

da etxeko andrea.

            17

Errian alako andre bat

senti ez det besterik;

bera dator solomo eta

lukainkaz beterik.

            18

Gaztaña egosiak eta

sagarrakin ogia;

igual da ekartzen badu

urdai puska lodia.

            19

Eskale guziak dituzte

ate oek zabalak;

gurasoen gain gañekoak

dira seme alabak.

            20

Barkatu utsegiterikan

baldin egin badegu;

beste urtean ere pozik

etorriko gera gu.

            21

Obeto kantatuko degu

askoz ere gaur baño,

Jaungoikoak gau on diela

datorren urteraño.

        Donosti ............ gian [1]